MugiEKOrtasuna hobeto bizitzeko!

Zergatik eraldatu garraio eredua?

Trantsizio ekosoziala nahitaezkoa izango da etorkizunean hobeto bizitzeko. Horra bidean, ezinbestekoa da garraioaren sektorea goitik behera eraldatzea, izan ere sektore hau da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petroleo kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean, garraioan ia hirukoiztu egin dira 90eko hamarkadatik hona. 1987an garraioak 726 kto energia kontsumitzen zituen, 2023an, berriz, 2133 kto. Denbora tarte berean industrian 2450 kto.etik 1500era pasa da.

​Azken urteetako norabidea alatzeko eta mugiekortasun jasangarria bultzatzeko hemen ditugu hiru eraldaketa esparru eta zenbait neurri.

---

Hiru eraldaketa esparru Mugikortasuna bultzatzeko!

1. Garraio publikoa

​Co2 isurien erantzule nagusia den garraio pribatua garraio modu kolektiboengatik ordezkatzeak, aldaketa esanguratsua suposatzen du gure garraio ereduan. Horregatik garraio publikoa merkeagoa, eskuragarriahgoa eta erakargarragoa izan behar da, herritarrok garraio modu nagusi bezala erabili dezagun.

Hemen gure proposamenak:

     1.  Prezioak merketu

• Txartel bakarreko garraio publiko multimodala
• Doako transbordoak

     2.  Zerbitzua hobetu

• Maiztasunak eta ibilbideak handitu
• Isolatuago dauden lekuetan zerbitzuak indartu
• Autobusentzako errailak sortu

2. Errepide azpiegiturak

​Autobide berri bakoitzak trafikoaren gorakada dakar ekosistemetan kalte nabarmenak eragiteaz gain. Autobide berrien eraikuntzara bideratutako inbertsio erraldoi bakoitza garraio publikora bideratzen ez den inbertsioa da.

Hemen gure proposamenak:

1. Autobideetara bideratuko litzatekeen inbertsioa garraio publikoa hobetzera bideratu.
2. Dagoeneko eraikita dauden azpiegituretan garraio pubikoari lehentasuna eman eta oinezko zein biziklentzako espazioa berreskuratu.

3. Hirigintza eredua

​Nolako hirigintza halako bizitzak. Gure hirien antolaketak zuzenean eragiten du gure bizitzetan eta mugikortasun ohituretan. Horregatik auto pribatua erdigiunean duen hirigintza eredu honekin bukatu eta hiria hiritatrrentzat berreskuratu behar da.

Hemen gure proposamenak:

1. Autoek hirian hartzen duten espazioa murriztu bedeguneen eta oinezkoentzako bideen    mesedetan.

• Mugikortasun aktiboa bultzatu: bizikletak, oinezkoak…

      2. Joan etorrien kopuru eta distantziak murriztuko dituen hirigintza eredua bultzatzea.

• Auzo funtzionalak sortu.
• Zerbitzuak auzoetara bideratu.
• Zentro komertzial eta txalet urbanizazio gehagorik ez.
• Etxebizitza eskubidea bermatu.